Studere

For å studere ved eit universitet eller ein høgskule må du ha generell studiekompetanse. I tillegg har nokre studium spesielle opptakskrav. Det finst også andre vegar til opptak.

Søke studieplass

For å søke studieplass må du først registrere ein nettsøknad hos Samordna opptak innan fristen. Du må sjekke om vitnemålet ditt ligg elektronisk i Nasjonal vitnemålsdatabase (NVB) og eventuelt laste opp dokumentasjon, som for eksempel kompetansebevis og dokumentasjon på høgare utdanning.

Elektronisk vitnemål

Har du fullført norsk vidaregåande skule i år 2000 eller seinare, har du truleg elektronisk vitnemål. Du må sjølv sjekke om det elektroniske vitnemålet ditt ligg i Nasjonal vitnemålsdatabase.

Lån og stipend

Du kan få støtte til utdanninga di hos Lånekassen. Utdanninga må vere offentleg godkjend i Noreg for at du kan få slik støtte.

Realkompetanse

Dersom du ikkje har studiekompetanse, kan du komme inn på høgare utdanning på bakgrunn av realkompetansen din, det vil seie kunnskap du har fått gjennom yrkespraksis, ubetalt arbeid og anna. 

Opptak etter hovudopptaket

Når hovudopptaket er ferdig, er det kvart år nokre ledige studieplassar på dei ulike universiteta og høgskulane. Alle kan søke på dei ledige studieplassane, men du kan berre søke på studium der det framleis er ledige plassar. Du finn informasjon og søknadsfristar for dette opptaket på nettsidene til Samordna opptak. 

Tjenester

  • Søk ledige studieplassar

    Samordna opptak
    Etter hovudopptaket er det kvart år nokre ledige studieplassar på dei ulike universiteta og høgskulane. 19. juli blir dei ledige studieplassane offentleggjorde. Alle kan søkje på dei ledige studieplassane frå og med 20. juli. Det er berre mogleg å søkje på studium der det framleis er ledige plassar.
  • Søk akkreditering av norsk høyere utdanning

    NOKUT - Nasjonalt organ for kvalitet i utdanningen

    Her kan du søke akkreditering av norsk høyere utdanning og høyere yrkesfaglig utdanning.

Pages

Sharethis