Inngå ekteskap
Eigenerklæring
Kvar av dykk må fylle ut skjemaet «Prøvingsattest - erklæring frå brudefolket» for prøving av ekteskapsvilkåra.
Forlovere
Kvar av dykk må ha ein forlovar. Forlovarane må fylle ut skjemaet «Forlovarerklæring».
Tidligere gift?
Om ein av dykk eller begge har vore gift tidlegare, må vedkomande fylle ut skjemaet «Erklæring om skifte».
For personar som er skilt etter utanlandsk rett, må skilsmissa vere anerkjend av statsforvaltaren. Last ned søknadsskjema her.
Prøvingsattest
Send inn skjemaa digitalt eller på papir til skatteetaten. Skatteetaten behandlar saka og skriv ut ein såkalla prøvingsattest. Attesten syner at de oppfyller krava for å inngå ekteskap.
Prøvingsattesten skal de sende til den som skal vigsle dykk (vigsler). Om de har oppgitt vigsler sin adresse i eigenerklæringa, sender skatteetaten attesten direkte dit.
Vigsel
De kan velje mellom ulike seremoniar, til dømes kyrkjeleg vigsel og borgarleg vigsel. Frå 1. januar 2018 vart ansvaret for utføring av borgarleg vigsel overført frå tingrettane og Oslo byfogdembete til kommunane.
Statsforvaltarane har oversikt over trus- og livssynssamfunn med vigselsrett.
Vigselsattest
Etter at de er vigsla, sender vigslaren dokumenta til skatteetaten. Skatteetaten sender ei stadfesting til din innboks i Altinn. Om de ikkje er digitale brukarar, vil stadfestinga verte sendt til dykk i posten. Det vil framleis vere mogleg å etterbestille vigselsattest på Altinn.
Ektepakt
Om de ikkje ynskjer felleseige, kan de opprette ei ektepakt. Det er lovbestemde krav til korleis ei ektepakt skal etablerast og utformast.
Gifte seg i utlandet
Du finn informasjon om å gifte seg i utlandet og å gifte seg med utanlandsk statsborgar på Skatteetaten.no.
Endre namn?
Om du ynskjer å endre namn, må du fylle ut «Melding om endring av namn».
Hugs også å skaffe nytt pass om ein eller begge har endra namn.
Legge til eller endre postadresse i Noreg og/eller i utlandet
Om du ynskjer at posten frå det offentlege skal sendast til ei anna adresse enn til den folkeregistrerte adressa di, kan du legge til eller endre postadressa. Dette gjeld og om du bur i utlandet.
Melde flytting innanlands
Flyttar du innan Noreg, må du melde frå til folkeregisteret innan 8 dager etter at du flytta. Folkeregisteret er ein del av skattekontoret. Er du student, kan du som hovedregel velje om du vil vere registrert på studiestaden eller på heimstaden. Er du pendlar, gjeld spesielle reglar. Skatteetaten og Lånekassen kan gi meir informasjon.
Melding om endring av namn
Du kan endre både fornamnet, mellomnamnet og etternamnet ditt. Merk at mellomnamn ikkje er eit fornamn. Namn som kan takast som etternamn, kan og takast som mellomnamn.
Fornye pass eller ID-kort
Her finn du informasjon om å fornye pass eller ID-kort, bestille, endre eller avbestille time, pris, leveringstid, hente pass eller ID-kort, opningstider og hugseliste for det du må ha med deg til pass– og ID-kontoret. Du må møte opp hjå politiet for å få nytt pass eller ID-kort.
Kopi av vigselsattest
Alle som giftar seg, mottek ei stadfesting etter at giftemålet er registrert hjå skatteetaten. Treng du ein vigselsattest på papir eller ynskjer du ein kopi, kan du bestille her.
Ektepakt
Her kan du laste ned skjema for å tinglyse ektepakt. Ei ektepakt er ein avtale mellom ektefellar om formuestilhøva mellom ektefellane. Det er visse strenge formkrav til oppretting av ei gyldig ektepakt. Ektepakter omhandlar typisk etablering av særeige og overføring av større gåver.
Ekteskap i Norge
Før de giftar dykk, må skatteetaten sjekke om de oppfyller vilkåra for å inngå ekteskap. Det betyr at de må fylle inn ein del opplysningar. Saksbehandlinga kan ta tid, så ver ute i god tid før bryllupet.
Ekteskap i utlandet
Skal de gifta dykk i utlandet, kan ekteskapet bli inngått anten etter utanlandsk eller etter norsk rett. Før de kan gifta dykk, anten det er etter norsk eller utanlandsk rett, må skatteetaten sjekke om de/den av dykk som er/har vore busett i Noreg, oppfyller vilkåra for å inngå ekteskap.