Du kan få kontantstøtte for barn mellom eit og to år (frå fylte 13 til og med 23 månader) eller adoptivbarn som ikkje har starta på skulen. Om barnet ditt går heiltid i ein barnehage med offentleg tilskot, får du ikkje kontantstøtte. Går barnet deltid i ein barnehage med offentleg tilskot, kan du få delvis støtte.

Om du har omsorg for barn under 18 år som bur hjå deg i Noreg, kan du ha rett på barnetrygd. Einsleg mor eller far kan i tillegg få utvida barnetrygd og småbarnstillegg. Du treng som hovudregel ikkje å søke om barnetrygd. Om barnet vert fødd i Noreg, vil mor automatisk få barnetrygd omtrent 2 månader etter fødselen.

Om du tidlegare har hatt dagpengar og skal søkje på nytt etter ein periode der du ikkje har fått dagpengar, kan du sende ein forenkla søknad. Føresetnaden er at avbrotet ikkje har vart meir enn 52 veker.

For å få dagpengar må du først registrere deg som jobbsøkjar hjå Nav. Du kan søkje om dagpengar ei veke før den første dagen du har blitt heilt eller delvis arbeidsledig. Det er viktig at du ikkje søkjer for tidleg. Nav kan ikkje innvilga deg dagpengar før vilkåra for å få dagpengar er oppfylte, og ein for tidleg innsendt søknad kan gi avslag.

Arbeidsavklaringspengar skal sikre deg inntekt i periodar du på grunn av sjukdom eller skade har behov for bistand frå Nav for å komme i arbeid. Skal du ha rett til AAP, må arbeidsevna di vere redusert med minst 50 prosent.

Uføretrygd kan vere aktuelt for deg som har varig nedsett inntektsevne på grunn av sjukdom eller skade. Om du har rett til 100 prosent uføretrygd eller gradert (delvis) uføretrygd, avheng av inntektsevna di. Har du moglegheit til å arbeide til dømes 40 prosent, kan du ha rett til 60 prosent uføretrygd. Du kan ha rett til barnetillegg dersom du er uføretrygda og forsørgjer eigne barn eller fosterbarn som er under 18 år.

Denne rettleiaren frå Nav kan hjelpe deg i jobbjakta. Her får du hjelp og råd i den situasjonen du er i, anten du har mista jobben eller sagt opp, er permittert, har stått utanfor arbeidslivet lenge, er ung og har lite jobberfaring eller har jobb og ynskjer å byte. Du får og råd om korleis du kan få oversikt over økonomien din og informasjon om støtteordningar i samband med reise og flytting. 

Viss du står i fare for å falle ut av arbeidslivet eller ynskjer å kome i arbeid, kan NAV vurdere fleire tiltak og virkemidlar. 

Vegvisaren viser deg korleis du søkjer om økonomisk sosialhjelp og kva du kan søkje om. I vegvisaren finn du og informasjon om andre mogleikar enn økonomisk sosialhjelp. Både ordningar og støtte i og utanfor NAV er med, for eksempel bustøtte gjennom Husbanken, som er aktuelt for mange.

Som hovudregel har du ikkje rett til dagpengar om du er skuleelev eller student, men det er nokre unntak. Om du ynskjer å behalde dagpengar medan du er skuleelev, må du søkje om dette. Les meir om dagpengar og utdanning på Nav.no.