Som ny i Noreg kan du oppleve at det er vanskeleg å finne fram til viktig informasjon om det norske samfunnet. På nettsida til Integrering- og mangfoldsdirektoratet er det samla informasjon om rettar og plikter, praktiske råd og tips som kan hjelpe deg.

På tolkeportalen kan du finne tolk med kompetanse i tolking mellom norsk og andre språk. Registeret er først og fremst retta mot tolkebrukarar i offentleg sektor, men det er tilgjengeleg for alle.

Diskrimineringsnemnda er eit nasjonalt klageorgan som avgjer saker om diskriminering, trakassering, seksuell trakassering, universell utforming og gjengjeldelse. Dersom du ynskjer å sende ein sak til oss, kan du fylle ut eit skjema på våre nettsider. Vi tek kontakt med den som du meiner har brote regelverket, og får deira syn på saken. Prosessen hos oss er gratis. Sakene vert avgjort av høgt kvalifiserte juristar. Alle leiarane i nemnda har erfaring som dommar.